Oğuz və Samuxda yanğın oldu

Oğuz rayonunun Yaqublu kəndində ümumi sahəsi 500 m² olan fermanın dam örtüyünün taxta atmaları 250 m² sahədə və içərisində 1 ədəd avadanlıq yanıb.

Bu barədə BAKU.WS-ə Fövqəladə Hallar Nazirliyinin Mətbuat xidmətindən məlumat verilib.

Fermanın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Samux rayonunun Hacıalılı kəndində ümumi sahəsi 168 m² olan birmərtəbəli 4 otaqlı evin mətbəxinin tavanı 12 m² sahədə və dam örtüyünün taxta atmaları 8 m² sahədə yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.