Goranboy sakini pomidor turşusundan zəhərləndi - SON VƏZİYYƏTİ

Qidadan zəhərlənən 24 yaşlı Goranboy sakininn son durumu açıqlanıb. 

TƏBİB-dən  BAKU.WS-ə bildirilib ki, 2025-ci il aprelin 3-ü saat 02:10 radələrində 2001-ci il təvəllüdlü şəxs (qadın) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Yoluxucu xəstəliklər şöbəsinə hospitalizasiya olunub.

Dəqiqləşdirilməmiş mənşəli qastroenteritlər və kolitlər, botulizm şübhəsi diaqnozları təyin edilən pasiyentə zəruri tibbi yardım göstərilib. 

Hazırda Reanimasiya şöbəsində müalicəsi davam etdirilir, vəziyyəti orta ağırdır.

***09:20

Goranboyda zəhərlənmə hadisəsi baş verib.

BAKU.WS Teleqraf-a istinadən xəbər verir ki, pomidor turşusundan zəhərlənən 2001-ci il təvəllüdlü Xatirə Bayramova Gəncədəki xəstəxanalardan birinə yerləşdirilib.

Qadının vəziyyəti ağır qiymətləndirilir.

Faktla bağlı araşdırma başlanılıb.