Gəncədə təcili yardım maşını piyadanı vuraraq ÖLDÜRDÜ

Gəncədə piyadanın ölümü ilə nəticələnən yol-nəqliyyat hadisəsi baş verib.

BAKU.WS APA-ya istinadən xəbər verir ki, şəhərin İsmət Qayıbov küçəsində "Mersedes-Benz" markalı təcili tibbi yardım maşını yolu keçmək istəyən orta yaşlı piyadanı vurub.

Piyada xəstəxanaya aparılsa da, onun həyatını xilas etmək mümkün olmayıb. Ölən şəxs Gəncə şəhər sakini 1966-ci il təvəllüdlü Ə.Verdiyevdir.

Qeyd edək ki, piyadanı vuran avtomobil Daşkəsən rayon mərkəzi xəstəxanasının təcili və təxirəsalınmaz tibbi yardım şöbəsinin təcili yardım avtomobili olub.

Faktla bağlı araşdırma aparılır.

Qalereya