Fatma Səttarova II Fəxri xiyabanda dəfn edilib

Prezident İlham Əliyev və Birinci vitse-prezident Mehriban Əliyeva Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri, İkinci dünya müharibəsi iştirakçısı Fatma Səttarovanın dəfn mərasiminə əklil göndərib.

"Report"un məlumatına görə, əklil mərhumənin məzarı üstünə qoyulub.

11:00

Bu gün vəfat edən Müharibə, Əmək və Silahlı Qüvvələr Veteranları Təşkilatının sədri, İkinci Dünya müharibəsinin iştirakçısı Fatma Səttarovanın dəfn yeri açıqlanıb.

Təşkilatdan "Qafqazinfo"ya bildirilib ki, mərhum II Fəxri xiyabanda dəfn olunacaq.

09:24

Görkəmli ictimai xadim, Müharibə, Əmək və Silahlı Qüvvələr Veteranları Təşkilatının sədri, İkinci Dünya müharibəsi veteranı Fatma Səttarova vəfat edib.

"Qafqazinfo" xəbər verir ki, Fatma Səttarova 102 yaşında dünyasını dəyişib.

Qeyd edək ki, "İstiqlal" ordenli F.Səttarova həm də Prezident təqaüdçüsü idi.

O, bir neçə gün əvvəl keçirilən növbədənkənar parlament seçkisində seçki məntəqəsinə gedərək səs vermişdi.