Ermənistan Azərbaycan vətəndaşının sərhədi keçməsi ilə bağlı məlumatı təsdiqlədi

Ermənistan Milli Təhlükəsizlik Xidməti Azərbaycan vətəndaşının ölkə ərazisində aşkarlanması ilə bağlı məlumat yayıb.

BAKU.WS xəbər verir ki, qurumun məlumatına görə, oktyabrın 19-da saat 17:50-də Tavuş vilayətində Azərbaycanın Tovuz rayonunun Çatax kənd sakini, 1968-ci il təvəllüdlü Yaşar Əli oğlu Qasımov aşkarlanıb.

Araşdırma zamanı onun yolu azdığı müəyyən edilib.

Ermənistan Milli Təhlükəsizlik Xidmətindən bildirilib ki, Azərbaycan vətəndaşının evinə qaytarılması üçün müvafiq tədbirlər görülür.