Dilqəm Əsgərov Həsən Həsənovun məzarını ziyarət edib - VİDEO

Erməni əsirliyindən azad edilərək Azərbaycana gətirilən Dilqəm Əsgərov mərhum yoldaşı Həsən Həsənovun məzarını ziyarət edib.

BAKU.WS-in bölgə müxbirinin verdiyi məlumata görə, Dilqəm Əsgərov Həsən Həsənovun qəbri üstünə gül dəstələri düzüb və baş daşını öpüb.

Məlumat üçün bildirək ki, Dilqəm Əsgərov, Şahbaz Quliyev 2014-cü ilin iyul ayında Kəlbəcər rayonunda yaxınlarının məzarını ziyarət edərkən erməni quldurları tərəfindən əsir götürülüb. Həsən Həsənov isə ermənilərlə atışmada şəhid olmuşdu.

D.Əsgərov və Ş.Quliyev 6 ildən artıq erməni əsirliyində saxlanılıb. İkinci Qarabağ müharibəsindən sonra əldə olunan razılaşmaya əsasən, Azərbaycana qaytarılıb. Bir müddət karantin rejimində saxlanılan D.Əsgərov və Ş.Quliyev bu gün doğmalarının yanına buraxılıb.