Bərdədə avtomobil iki piyadanı vurdu, onlardan biri öldü

Bərdədə piyadanın vurulması ilə nəticələnən yol-nəqliyyat hadisəsi baş verib.

BAKU.WS "Report"a istinadən xəbər verir ki, qəza şəhərin Bayraq meydanı adlanan ərazisində qeydə alınıb.

Şahidlərin bildirdiyinə görə, sürətlə hərəkət edən avtomobil yolu keçən iki nəfəri vuraraq hadisə yerindən qaçıb.

Yaralılardan biri Məmmədova Gülnar Nemət qızı xəstəxanaya aparılarkən dünyasını dəyişib.