Şagirdlər arasında kütləvi dava ilə bağlı araşdırmalara başlandı - YENİLƏNİB - VİDEO

Bakıda orta məktəb şagirdləri arasında baş verən dava ilə bağlı polis araşdırmalara başlayıb.

BAKU.WS xəbər verir ki, bu barədə Trend-in sorğusuna cavab olaraq Daxili İşlər Nazirliyinin Mətbuat xidmətindən məlumat verilib.

Məlumatda bildirilir ki, faktla bağlı araşdırma aparılır, nəticə barədə ictimaiyyətə məlumat veriləcək.

Xatırladaq ki, hadisə fevralın 14-də Bakının Xətai rayonu, Əhmədli qəsəbəsində baş verib. Qəsəbə ərazisində fəaliyyət göstərən 116 saylı orta məktəbin şagirdləri arasında dava barədə sosial şəbəkələrdə video yayılıb.

***11:20

Bakıda şagirdlər arasında kütləvi dava baş verən 116 nömrəli tam orta məktəb hadisə barədə açıqlama yayıb.

Məlumatda deyilir ki, 14 fevral tarixində məktəbin iki nəfər X sinif şagirdi (müvafiq səbəblərə görə şagirdlərin adı qeyd olunmur) arasında dərsdən sonra mübahisə və münaqişə yaranıb. Münaqişə zamanı heç bir şagird xəsarət almayıb və hər iki şagird bu gün dərsdə iştirak ediblər.

Məsələ ilə bağlı münaqişədə iştirak edən şagirdlərdən izahat alınıb və onların valideynləri məktəbə çağırılıb. Eyni zamanda məktəbə hüquq-mühafizə orqanlarının nümayəndələri dəvət olunub.

***10:58

Bakıda şagirdlər arasında kütləvi dava qeydə alınıb.

BAKU.WS oxu.az-a istinadən xəbər verir ki, görüntülər sosial şəbəkələrdə yayılıb.

İddia edilib ki, davada iştirak edən şagirdlər Xətai rayonu, Əhmədli qəsəbəsində yerləşən 116 nömrəli tam orta məktəbdə təhsil alırlar.

Həmin görüntüləri təqdim edirik: