Bakıda daha bir ölüm saçan KÜÇƏ

Paytaxtın Suraxanı rayonunda vətəndaşlar yolda yaranmış çuxurdan narazıdırlar.

Bu barədə məlumat BAKU.WS-in "qaynar xətti"nə daxil olub.

Bildirilib ki, rayonun Yeni Günəşli qəsəbəsində AB massivi 129 nömrəli binanın qarşıında yolda təhlükəli vəziyyət yaranıb. Asfalt örtüyü hər an çökmə təhlükəsi ilə üz-üzədir.

Xatırladaq ki, ötən ayın 26-da 27 yaşlı Cümşüd Cümşüdlü Binəqədi rayonu, "Baksol yolu" adlanan ərazidə yolun çökməsi nəticəsində kanalizasiyaya düşmüşdü. Onun nəşi 2 gün sonra tapıldı.