Bakıda avtomobil "Azəriqaz"ın qazdığı quyuya düşüb - FOTO

Bakıda avtomobil qaz borusu təmir edilən quyuya düşüb. Hadisə Yasamal rayonunda baş verib. Hüseyn Cavid prospekti 231-235 ünvanında “Daewoo” markalı avtomobili idarə edən Əziz Vəliyev qəfil yolun ortasında qazılmış quyuya düşüb. Sürücü sınıq xəsarətləri alaraq 1 saylı şəhər xəstəxanasına yerləşdirilib. BAKU.WS bildirir ki, Ə.Vəliyevin APA-ya verdiyi xəbərə görə, “yolda heç bir nişan qoyulmayıb”. Nəticədə qəza baş verib.Hadisə yerinə “Azəriqaz” ASC-nin əməkdaşları cəlb edilib.“Azəriqaz” ASC-nin çilingəri bildirib ki, yolda nişan qoyulub, işlər çox olduğundan yolu qazaraq işi yarımçıq qoyublar.Hadisə yerinə Yasamal RPİ və Yasamal DYPŞ-nın əməkdaşları cəlb edilib. Yolda sıxlıq yaranmasın deyə Yol Patrul Xidmətinin əməkdaşları hərəkəti nizamlayıb.Qeyd edək ki, avtomobili quyudan çıxarmaq üçün hadisə yerinə ağır texnika da cəlb edilib.