Bakıda ağır qəza, bir ölü, üç yaralı - VİDEO

Binəqədidə ağır yol-nəqliyyat hadisəsi baş verib.

BAKU.WS qafqazinfo-ya istinadən xəbər verir ki, hadisə səhər saatlarında Xocəsən yolunda qeydə alınıb.

DİN-in Mətbuat xidmətindən bildirilib ki, “Opel” və “Ford” markalı avtomobillərin toqquşması nəticəsində 1 nəfər ölüb, 3 nəfər xəsarət alıb.

“Qəza zamanı “Opel”in sürücüsü 47 yaşlı Şahid Rəşidov hadisə yerində ölüb, sərnişini xəsarət alıb. Həmçinin “Ford”un sürücüsü və sərnişini də müxtəlif dərəcəli bədən xəsarətləri alaraq xəstəxanaya çatdırılıblar”.

Faktla bağlı araşdırma aparılır.