Bakıda kişi arvadını və qızını bıçaqlayıb evdən qaçdı

Bakıda kişi ailə münaqişəsi zəminində arvadını və qızını bıçaqlayıb.

"Report"un xəbərinə görə, hadisə Pirallahı qəsəbəsi, Süleyman Rəhimov küçəsi 81 ünvanında qeydə alınıb.

Belə ki, Rəhimov soyadlı (adı hələlik müəyyənləşdirilməyib) şəxs həyat yoldaşı 51 yaşlı Qönçə Umudova ilə mübahisə edib. O, mətbəx bıçağı ilə Q.Umudovaya iki, qızı 22 yaşlı Aytac Rəhimliyə bir bıçaq zərbəsi vurub.

Daha sonra həmin şəxs qaçaraq evdən uzaqlaşıb. Yaralılar xəstəxanaya yerləşdirilib.

Polis əməkdaşları cinayət əməlini törədən şəxsin axtarışlarına başlayıb.

BAKU.WS