Bakıda dəhşətli qəza, xəsarət alanlar var - VİDEO

Səbail rayonunda iki minik avtomobili toqquşub.BAKU.WS "report"a istinadən xəbər verir ki, hadisə Bayıl qəsəbəsində baş verib.Belə ki, Vüsal Əliyev idarə etdiyi 02-BT-877 dövlət nişanlı "VAZ-2107" markalı avtomobillə yüksək sürətlə hərəkətdə olarkən qarşısına 99-AK-104 dövlət qeydiyyat nişanlı "Daewoo" markalı avtomobil çıxıb. V.Əliyev bu səbəbdən əyləcdən istifadə edib.Onun bildirdiyinə görə, bu zaman avtomaşının əyləc sistemi işləməyib. Nəticədə qəza baş verib.Hadisə zamanı "VAZ-2107"-də olan iki sərnişin və "Daewoo"-nun sürücüsü xəsarət alaraq 1 saylı Kliniki Tibbi Mərkəzə yerləşdirilib.Faktla əlaqədar əraziyə Səbail rayon Yol Polis Şöbəsi və Səbail Rayon Polis İdarəsinin əməkdaşları cəlb edilib. Hər iki avtomobil cərimə meydançasına yerləşdirilib.Avtotexniki ekspertiza təyin edilib. Hadisənin dəqiq səbəbləri araşdırılır.BAKU.WS