Azərbaycanda alimin evindən milyonluq oğurluq - ŞOK İDDİA

Bakıda alimin evindən 1 milyon 200 min manatlıq oğurluq edildiyi iddia olunur. BAKU.WS-in redaksiyasına daxil olan məlumatda qeyd edilir ki, AMEA Əlyazmalar İnstitutunun direktor müavini işləyən Aybəniz Əliyevanın evindən 536 min ABŞ dolları (912 min AZN), 143 min manat dəyərində qızıl-zinət əşyaları oğurlanıb. İddiaya görə, oğurluq etmiş şəxs alimin evində xadimə kimi çalışan Zeynalova Xanım Abduləli qızıdır. Təqsirləndirilən şəxsin atası Abduləli Zeynalov məsələ ilə bağlı saytımıza geniş açıqlama verib: "Bəzən KİV-də yazılır ki, alimlərin aldığı məvacib qənaət bəxş deyil. Belə yazılara çox rast gəlinir. Bəzən də alimin evindən oğurlanan vəsaitin miqdarı deməyə əsas verir ki, “Alimlər pis dolanır fikrini” bütün alimlərə şamil etmək olmaz. Onların bəzilərinin evlərində küllü miqdarda pulu var.Mən Zeynalov Abduləli Mirzə oğlu sizin sayıta müraciət edərək bildirirəm ki, mənim qızım Zeynalova Xanım Abduləli qızı Azərbayacan AMEA-nın əməkdaşı, professor, elmlər doktoru, 2002-2014-cü illərdə AMEA Mərkəzi Elmi Kitabxanasının direktoru vəzifəsindəişləmiş, indi isə AMEA Əlyazmalar İnstitutunun direktor müavini işləyən Aybəniz Əliyevanın şikayəti əsasında həbs edilib. Həbs edilən qızım Xanım Zeynalova əvvəllər A.Əliyevanın evində xadimə işləyib və guya alimin evindən 536 min ABŞ dolları, 143 min manat dəyərində qızıl-zinət əşyaları oğurlayıb. Ona görə “guya” yazıram ki, təqsirsizlik prezumpsiyası adlı bir hüquqi anlayış var və hələ ki istintaq gedir, məhkəmə hökmü olmadan kimisə cinayətkar hesab etmək olmaz. Oğurluqda şübəli bilinərək həbs edilən qızımın isə taleyi məni ciddi narahat edir, bəzən bu qanunsuz hərəkətə görə özümü intihar etmək istəyirəm. Amma bəzəndə gözləyirəm görüm bu işin axırı necə olacaq.Hamıya bəllidir ki, sübutetmə vəzifəsi ittiham tərəfinin üzərinə düşür. Yəni, Aybəniz xanım, istintaq tərəfi sübut etməlidir ki, həqiqətən də, Aybəniz xanımın evindəki seyfdə 536 min ABŞ dolları, 143 min manatlıq da qızıl-zinət əşyaları olub və bunların hamısını məhz təqsirləndirilən qızım oğurlayıb. Bunlar öz yerində...Mən həbsdə olan qızımın sözlərinə istinadən bildirirəm ki, Aybəniz xanım çox əliaçıq və ürəyi geniş olub, şəxsi seyfinin də qapılarını ailə üzvlərinin üzünə geniş açıbmış. Kim nə vaxt, nə qədər istədi, götürüb xərcləyirmiş.Misal üçün, xüsusi qeyd edim ki, Aybəniz xanımın qızı Gülşən Əliyeva Azərbaycan Dövlət Mədəniyyət və İncəsənət Universitetinin prorektorudur.O yaxın dostu olan, Zorik (Əsl adı Qalibdir) kimi tanıdığı oğlana “Albatros”dan hədiyyə almaq üçün, anasının xəbəri olmadan onun seyfindən 3 min ABŞ dolları götürübmüş və bu barədə biləndə Aybəniz xanımla qızı arasında mübahisə olub. Belə hallar tez-tez təkrarlanırmış deyə, ana-bala arasında tez-tez mübahisələr olurmuş.Abduləli Zeynalov olaraq onu da bildirəm ki, axtarış zamanı qızımın evindən, Aybəniz Əliyevanın oğurlandıqlarını iddia etdiyi bir neçə qızıllar, həqiqətən də, tapılıb.Həmin bir neçə qızılları Aybəniz xanımın qızı Gülşən verib qızıma.Səbəbini isə belə izah edə bilərəm.Aybəniz Əliyeva xəstə olduğu müddətdə ona qulluq etmək üçün qızı Gülşən Əliyevanın vaxtı olmayıb,ona qızım Xanım Zeynalova xidmət edib. Bunun mqabilində qızı Gülşən Əliyeva bir neçə qızılı qızıma bağışlayıb.Bunu A.Əliyeva istintaqa verdiyi birinci ifadəsində təstiqləsədə sonradan verdiyi ifadədən imtina edib.Maraqlısı isə odur ki, oğurluq hadisəsi qızım Xanım A.Əliyevanın evindən işləməkdən çıxıb Bakı Metropolitenində işlədiyi müddətdə baş verib.Yəni 8 (səkkiz) ay sonra törədilib.Demək istəyirəm pul qızıl iynə olub ki,bunun oğurlanmasından Aybəniz Əliyeva 8 (səkkiz) ay sonra xəbər tutub?. Elə bu oğurluq hadisəsi qaranlıq mətləblərdən xəbər verir. Hələliksə,hərkəsin marağına səbəb olacaq bir suala cavab verirəm: AMEA-nın professoru Əlyazmalar İnistitunun direktor müavini Aybəniz Əliyevanın evində 1( bir) milyon manatdan artıq pul haradandır?Görəsən Aybəniz Əliyeva düz danışır? Oun evindəki seyfdə həqiqətən də, 536 min ABŞ dolları, 143 min manatlıq qızıl-zinət əşyaları olub? Olubsa, hardandır bu sərvət? Aldığı 1500-2000 manatı, yeməsə, içməsə, istirahətə, səyahətə getməsə, özünə bahalı geyimlər, zinət əşyaları almasa, neçə ilə toplaya bilər Azərbaycan alimi?A.Əliyevanın məvacibini 1500-2000 manatdan götürsək,(Onu deyim ki,bu məvacibi də almasi ağıla batan deyil) ilə 24 min manatdan, 30 ilə yalnız 720 min manat yığmaq olar. Burada isə milyondan artıq sərvətdən söhbət gedir.Aybəniz Əliyeva-Kəngərli 30 il pəhrizmi saxlayıb, orucmu tutub?Onu da qeyd edim ki, qızımın əsassız yerə həbs edilməsi, onun azyaşlı övladlarının kimsəsiz qalması, bir ailə faciəsi ilə nəticələnib. Mən növbəti yazımda Aybəniz xanımın qızı Gülşən Əliyeva barəsində daha geniş məlumat göndərəcəm".NazimBAKU.WS