Azərbaycanda atasının ölümünə dözməyən qız özünü körpüdən atdı - FOTO

Tovuz rayonunda 18 yaşlı qız özünü rayonun girişindən keçən Tovuz çayının üzərində inşa edilən körpüdən ataraq intihara cəhd edib. BAKU.WS-in bölgə muxbirinin verdiyi məlumata əsasən rayon sakini 2001-ci il təvəllüdlü Hüseynova Kifayyət Məhəmməd qızı Tovuz rayon Mərkəzi Xəstəxanasına gətirilib, vəziyyəti ağırdır. Reanimasiya şöbəsinə yerləşdirilən qızın koma halında olduğu deyilir. Hadisə yerinə Tovuz rayon Polis İdarəsinin və Prokurorluq orqanlarının rəsmiləri cəlb olunub. İlkin məlumatlata görə, qızın özünü öldürməsinə səbəb atasının ölümüdür. Belə ki, bir müddət öncə K.Hüseynova atasını itirib və bunun stresini üzərindən ata bilməyib. K.Hüseynova daha öncədə evdən qaçıb və canına qıymaq istəyib. Lakin ilk cəhdində onu xalası son anda ölümdən qurtarıb. Faktla bağlı Tovuz rayon Polis İdarəsində araşdırma başlanılıb. Hadisənin təfərrüatları dəqiqləşdirilir.