Azərbaycan Ordusunun hərbi qulluqçusu qəzada həlak olub - RƏSMİ - YENİLƏNİB

Avqustun 26-da saat 14 radələrində Goranboy rayonunun Buzluq kəndi ərazisində Zaqatala rayon sakini Vahid Ərəblinski idarə etdiyi “Ural” markalı avtomobili dərəyə aşırıb.

Bu barədə BAKU.WS-ə DİN-dən məlumat verilib.

Bildirilir ki, nəticədə sürücü hadisə yerində ölüb.

Araşdırma aparılır.

*** 09:45

Avqustun 26-sı günorta saatlarında Goranboy rayonu ərazisində baş vermiş avtoqəza nəticəsində Azərbaycan Ordusunun hərbi qulluqçusu Ərəblinski Vahid Maarif oğlunun həlak olması ilə bağlı məlumatı təsdiq edirik.

Müdafiə Nazirliyindən BAKU.WS-ə verilən məlumata görə, faktla bağlı araşdırma aparılır.

Nazirliyinin rəhbərliyi hərbi qulluqçumuzun yaxınlarına dərin hüznlə başsağlığı verir və səbir diləyir.Allah rəhmət eləsin!