Altıağacda torpaq qalmaqalı – Məhkəmə davam edir

Bakı Dövlət Universitetinin (BDU) keçmiş rektoru, Milli Məclisin üçüncü və dördüncü çağırış deputatı olmuş Abel Məhərrəmovun adının hallandığı torpaq qalmaqalı ilə bağlı işə Sumqayıt Apellyasiya Məhkəməsində baxış iclası keçirilib.

BAKU.WS Qaynarinfo.az-a istinadən verir ki, məlumatına görə, Qarabağ qazisi, ehtiyatda olan polkovnik-leytenant Nazim Əmirov Altıağac qəsəbəsində ona məxsus torpaq sahəsini Abel Məhərrəmovun zəbt edərək, xanımı Rəhimə Mahmudovanın adına rəsmiləşdirməkdə ittiham edir.

Nazim Əmirov bundan xəbər tutduqda məhkəməyə üz tutub. Xızı Rayon Məhkəməsi polkovnik-leytenantın iddiasını təmin etməyib. O, apellyasiya şikayəti verib. Şikayətə Sumqayıt Apellyasiya Məhkəməsində baxılıb və təmin edilməyib. Bundan sonra o, Ali Məhkəməyə kassasiya şikayəti verib. Ali Məhkəmə işə yenidən apellyasiya instansiyasında baxılması barədə qərar qəbul edib.