Aliment vermək istəməyən ər arvadı və oğlunu baltaladı (FOTO)

Cəlilabadın Muğan kəndində dəhşətli cinayət hadisəsi baş verib.

Bölgə müxbiri Rəhman Məlikovun BAKU.WS-ə verdiyi məlumata görə, keçmiş ər arvadını və azyaşlı övladını baltalayıb. Kənd sakini İsgəndər Əliyev axşam saatlarında keçmiş həyat yoldaşının evinə girərək, üzərindəki balta ilə Şamama Qürbətovaya və 12 yaşlı övladı Səid Əliyevanın baş nahiyyəsindən zərbələr endirib. Ardınca o böyük oğlu Fəridlə Əlbəyaxa olub. Qəzəblənmiş ata 17 yaşlı övladını əlləri ilə boğmağa çalışsa Fərid atasının əlindən xilas olaraq bayıra qaçıb. Evdəki qışqırıq səsinə qonşuların gəldiyini görən İsgəndər Əliyev evdən qaçıb. Yaralılar qonşuları tərəfindən xəstəxanaya çatdırılıblar. Qeyd edək ki, bir müddət əvvəl  də İsgəndər Əliyev Böyük oğlu Fəridə bıçaqla xəsarət yetirib.

Hadisənin ilkin səbəbləri də məlumdur. Belə ki, rəsmi formada arvadından boşanmış İsgəndər Əliyev övladları üçün nəzərdə tutulan alimet pulunu ödəmirmiş. Bu da ki , tərəflər arasında bir müddət imiş ki, narazılıq yaradıb. Hazırda polis cinayəti törədən şəxsin tutulması istiqamətində əməliyyat axtarış tədbirlərini davam etdirir.

 BAKU.WS