Gəncə sakini içkili vəziyyətdə evini yandırıb.

BAKU.WS-in bölgə muxbirinin verdiyi məlumata görə, hadisə İsmət Qayıbov küçəsi 5 saylı evdə baş verib.

Şahin Müzəffər oğlu Hüseynov içkili vəziyyətdə mənzilinə od vurub.

Hadisə yerinə Kəpəz rayon Dövlət Yanğından mühafizə xidmətinin 4 yanğın söndürmə maşını və 40-a yaxın canlı qüvvəsi cəlb olunub.

Alovun söndürülməsi  təxminən iki saata yaxın çəkib.

Alovun qonşu mənzillərə keçməsinin qarşısı alınsa da, yanan ev tamami ilə sıradan çıxıb.

Keçirilən əməliyyat tədbirləri nəticəsində Şahin Hüseynov Kəpəz rayon Polis Şöbəsi əməkdaşları tərəfindən tutulub.

Qonşuların sözlərinə görə, bu Ş.Hüseynovun ilk dəfə törətdiyi hadisə deyil.

O, bundan öncədə sərxoş halda bir neçə dəfə evini yandırmağa cəhd edib.

Faktla bağlı araşdırmalar davam etdirilir.
BAKU.WS


VİDEO

QALEREYA