055 213 76 73
Azərbaycanın ilk ombudsmanı Elmira Süleymanova dəfn olunub.
BAKU.WS Report-a istinadən xəbər verir ki, mərhumə II Fəxri xiyabanda torpağa tapşırılıb.
***15:09
Azərbaycanın ilk İnsan Hüquqları üzrə Müvəkkili (Ombudsman) Elmira Süleymanova ilə vida mərasimi başa çatıb.
BAKU.WS Report-a istinadən xəbər verir ki, Təzəpir məscidində keçirilən mərasimdə mərhumənin yaxınları, ailə üzvləri, ictimaiyyət nümayəndələri iştirak ediblər.
E.Süleymanovanın cənazəsi dəfn olunmaq üçün II Fəxri xiyabana aparılır.
***14:59
Azərbaycanın ilk İnsan Hüquqları üzrə Müvəkkili (Ombudsman) Elmira Süleymanova II Fəxri xiyabanda dəfn olunacaq.
O, aprelin 25-də günorta saatlarında 87 yaşında vəfat edib.
***14:31
Bu gün vəfat edən Azərbaycanın ilk Ombudsmanı Elmira Süleymanova ilə vida mərasimi keçirilir.
BAKU.WS Oxu.az-a istinadən xəbər verir ki, mərasim Təzəpir məscidində baş tutur.
***14:14
Azərbaycanın ilk İnsan Hüquqları üzrə müvəkkili (Ombudsman) Elmira Süleymanova vəfat edib.
BAKU.WS Report-a istinadən xəbər verir ki o, 87 yaşında dünyasını dəyişib.
Hazırda mərhumla Təzə Pir məscidində vida mərasimi keçirilir.
Qeyd edək ki, Elmira Teymur qızı Süleymanova 17 iyul 1937-ci ildə Bakı şəhərində anadan olub. Kimya elmləri doktoru, (1980), professor (1981), Azərbaycan Respublikası Prezidentinin fərdi təqaüdçüsü olub.
E.Süleymanova 2002-2019-cu illərdə Azərbaycanın İnsan Hüquqları üzrə müvəkkili (Ombudsman) vəzifəsini tutub.
O, Azərbaycan Prezidenti İlham Əliyevin Sərəncamı ilə İnsan hüquqlarının qorunması sahəsində xidmətlərinə görə "Şöhrət" və “Şərəf” ordeni ilə təltif edilib.