Lənkəranda fəhlə Peşə liseyi üçün tikilən binada yıxılaraq xəsarət alıb - FOTO

Lənkəranda tikintidə işləyən fəhlə hündürlükdən yıxılıb.

BAKU.WS apa-ya istinadən xəbər verir ki, hadisə Lənkəran Peşə liseyi üçün tikilən yeni binada qeydə alınıb.

Bakı şəhəri Binəqədi rayonu, Biləcəri qəsəbə sakini, 1985-ci il təvəllüdlü Rəşid İdris oğlu Şahbudaqov tikintidə hündürlükdən yıxılaraq, ağır bədən xəsarətləri alıb. R.Şahbudaqov təcili olaraq Lənkəran rayon mərkəzi xəstəxanasına çatdırılıb. Ona biləklərin sınığı, üzdə hematoma, sıyrılmış yara, döş və qarın boşluğunun küt travması diaqnozu qoyulub.

Fakt üzrə araşdırma aparılır.

Qalereya