"Bığ" restoranında nöqsanlar aşkarlandı - FOTO
![Bığ restoranında nöqsanlar aşkarlandı - FOTO](https://baku.ws/storage/photos/thumbs/large/1701359945_fotojet.webp)
Kürdəmir rayonunun Karrar kəndində fiziki şəxs Qəniyev Sadiq Seyyat oğluna məxsus “Bığ” restoranında Qida Təhlükəsizliyi Agentliyinin(AQTA) əməkdaşları tərəfindən təkrar yoxlama aparılıb.
Bu barədə AQTA-dan məlumat verilib.
Bildirilib ki, baxış zamanı qida obyektində ilkin yoxlamada aşkar edilmiş nöqsanların aradan qaldırılmadığı məlum olub.
İctimai iaşə müəssisəsində qida təhlükəsizliyi sahəsində normativ hüquqi aktların tələblərinin kobud şəkildə pozulduğu, restoranın sanitar-texniki və sanitar-gigiyenik vəziyyətlə bağlı nöqsanlar aradan qaldırılmadan fəaliyyət göstərdiyi müəyyən olunub.
Belə ki, mal qonşuluğu qaydalarına riayət edilmədiyi, süd və süd məhsullarının minimum keyfiyyətini və təhlükəsizliyini təsdiq edən müvafiq müşayiətedici sənədlərinin mövcud olmadığı, işçi heyətin ilkin və dövri tibbi müayinədən keçmədiyi, mütəmadi olaraq müvafiq təmizlik işlərinin görülmədiyi və digər nöqsanlar aşkarlanıb.
Faktla bağlı qanunvericiliyə uyğun olaraq müvafiq tədbirlər görülüb, fiziki şəxs barəsində inzibati protokol tərtib edilib, həmçinin aşkar edilmiş nöqsanların qısa zaman ərzində aradan qaldırılması barədə icrası zəruri göstərişlər verilib və qida obyektinin fəaliyyəti nəzarətə götürülüb.
Qalereya
Oxşar xəbərlər
Dönərxanada iyrənc mənzərə - FOTO
Azərbaycan Qida Təhlükəsizliyi Agentliyi (AQTA) Lənkəranda fəaliyyət göstərən dönər istehsalı müəssisəsində nöqsanlar aşkarlayıb. BAKU.WS xəbər verir ki, bu bar...