Gəncədə zəncirvarı qəza - Xəsarət alan var - FOTO

Gəncə şəhərində üç avtomobilin toqquşması ilə nəticələnən yol qəzası baş verib.

BAKU.WS-in yerli bürosunun verdiyi məlumata görə, hadisə şəhərin Atatürk prospektində baş verib.

"Hyundai" markalı avtomobil "KİA" optima markalı avtomobillə toqquşub. Zərbənin təsirindən avtomobillər yol kənarında dayanan "Mercedes" markalı avtomaşına dəyib.

Qəza zamanı "Hyundai" markalı avtomobilin sürücüsü xəsarət alıb.

Qəzanın səbəbləri araşdırılır.

Qalereya