055 213 76 73
Bakı metrosunun Əhmədli stansiyasında problem yaşanıb.
Bu barədə hadisə şahidləri BAKU.WS-in qaynar xəttinə məlumat veriblər.
Bildirilib ki, stansiyada qatı tüstü yayılıb. Bu səbəbdən də sərnişinlər təşvişə düşüblər.
Məsələ ilə bağlı Bakı Metropoliteninin Mətbuat xidmətindən BAKU.WS-ə bildirilib ki, "Əhmədli" stansiyası yaxınlığında şaxtada kabelin giriş sahəsində kabel muftasında qısaqapanma baş verib.
“Elektrik mühafizəsi dərhal işə düşüb, onu açıb, ehtiyat kabel qoşulub. Ventilyatorlar havanın çıxarılması rejiminə qoşulub və tunelə daxil olmuş tüstü çıxarılıb.
Sərnişin təhlükəsizliyi ilə bağlı heç bir problem yaşanmayıb, tənzimləmə məqsədilə qatarların hərəkətində iki dəqiqə vaxt sərf olunub.
Metropolitenin iş rejimində dəyişiklik yoxdur”, - deyə açıqlamada vurğulanıb.