Pomidorun qiyməti kəskin ucuzlaşdı

Bazarlarda pomidorun qiyməti kəskin ucuzlaşıb.

BAKU.WS məlumat verir ki, bir neçə günün içində pomidor 3-4 dəfə ucuzlaşıb.

Pomidorun qiymətininin belə ucuzlaşmasına ilk dəfədir rast gəlinir. Bir neçə gün əvvəl 3-4 manata satılan pomidoru indi hətta 50 qəpiyə də almaq mümkündür.

Hazırda bazarlarda ən bahalı pomidor 1 manat 30 və 1 manat 50 qəpiyə satılır.

Qiymətin ucuzlaşması pomidor alıcılarını da çoxaldıb.

Qeyd edək ki, ötən gün pomidorun qiymətinin kəskin ucuzlaşmasına Azərbaycandan Rusiya Federasiyasına nəqliyyat vasitələrinin daşıdığı yükün çəkisinə hədd qoyulması ilə izah edilmişdi.

Dövlət Gömrük Komitəsi isə bildirir ki, yayılan məlumatlar həqiqəti əks etdirmir. Belə ki, gömrük sərhədindən keçən avtomobillərin beynəlxalq yükdaşımalara dair norma və qaydalara riayət etmələrinə ciddi nəzarət olunur və buna görə də Rusiya Federasiyasına pomidor aparan avtomobillərin sərhədkeçmə prosesində hər hansı problem yoxdur.

Xezerxeber.az mövzu ilə bağlı daha ətraflı videomaterialı təqdim edir:

BAKU.WS