Naxçıvana dotasiya 26 % azaldılır

2026-cı ildə Azərbaycanda dövlət büdcəsi xərclərinin 211,6 milyon manatı və yaxud 0,5 %-i Naxçıvan Muxtar Respublikasının büdcəsinə verilən dotasiyanın payına düşəcək.

BAKU.WS bu barədə Maliyyə Nazirliyinə istinadən xəbər verir.

Məlumata görə, bu, 2025-ci ilin təsdiq olunmuş proqnozu ilə müqayisədə 25,9 % azdır.

Naxçıvana dotasiya ümumi dövlət xidməti xərclərinin 3,8 %-ni təşkil edəcək.

Xatırladaq ki, gələn il büdcə gəlirlərinin 38 milyard 609 milyon manat, büdcə xərclərinin isə 41 milyard 703,6 milyon manat olacağı gözlənilir.