Gələn il Azərbaycanda yaşayış minimumu 196 manat olacaq

Gələn il üçün Azərbaycanda yaşayış minimumunun məbləği açıqlanıb.

BAKU.WS “Report”a istinadən xəbər verir ki, bu, 2021-ci il dövlət büdcəsinin layihəsində əksini tapıb.

Bildirilib ki, gələn il üçün yaşayış minimumu ölkə üzrə 196,0 manat, o cümlədən əmək qabiliyyətli əhali üçün 207,0 manat, pensiyaçılar üçün 162,0 manat, uşaqlar üçün 175,0 manat məbləğində proqnozlaşdırılır ki, bu da 2020-ci illə müqayisədə müvafiq olaraq orta hesabla 6,0 manat və ya 3,1 faiz çoxdur.