Bakıda ictimai iaşə dövriyyəsi kəskin azalıb

Bu ilin yanvar-sentyabr aylarında Bakıda ictimai iaşə dövriyyəsinin dəyəri ötən ilin eyni dövrü ilə müqayisədə 58,4% azalaraq 317,2 milyon manat olub.

BAKU.WS report-a istinadən xəbər verir ki, özəl sektorda ictimai iaşə dövriyyəsinin 70,4%-i hüquqi şəxs statuslu müəssisələrin, 29,6%-i isə bu sahədə sahibkarlıq fəaliyyəti ilə məşğul olan fərdi sahibkarların payına düşüb.

Hüquqi şəxslər üzrə dövriyyə illik müqayisədə 36,5% azalaraq 224,6 milyon manat olub.