Azərbaycan ötən ay 2 milyon ton neft-kondensat ixrac edib

Bu ilin yanvar ayında operativ məlumatlara əsasən, Azərbaycanda neft-kondensat hasilatı 2,3 milyon ton, ixracı isə 2 milyon ton olub.
Bunu energetika naziri Pərviz Şahbazov "X" sosial şəbəkəsindəki hesabında bildirib.
Nazir əlavə edib ki, ötən ay 3,9 milyard kubmetr qaz hasil edilib. 2 milyard kubmetr qaz isə ixrac olunub.
Qeyd edək ki, hazırda Azərbaycandan Bakı-Tbilisi-Ceyhan boru kəməri ilə "Azəri-Çıraq-Günəşli" yataqlar blokundan hasil edilən neft və "Şahdəniz" yatağından hasil edilən kondensat nəql olunur. Bundan əlavə, boru kəməri ilə Türkmənistan və Qazaxıstandan neft nəql edilir.
Təbii qaz həcmləri Cənubi Qafqaz Boru Kəməri (Bakı-Tbilisi-Ərzurum) və Trans-Anadolu Qaz Boru Kəməri (TANAP) vasitəsilə Türkiyə bazarına çatdırılır. Bakı-Tbilisi-Ərzurum kəməri ilə ilk qaz Türkiyə bazarına 2007-ci ildə daxil olub. TANAP vasitəsilə Türkiyəyə kommersiya qazının nəqlinə isə 2018-ci il iyunun 30-da başlanılıb. Türkiyəyə Azərbaycanın "Şahdəniz" yatağından hasil edilən təbii qaz nəql olunur.

Oxşar xəbərlər
Əmanətlərin Sığortalanması Fondu aktivlərini 15 % artırıb
2023-cü il dekabrın 31-nə Əmanətlərin Sığortalanması Fondunun (ƏSF) cəmi aktivləri 651,398 milyon manat təşkil edib. BAKU.WS ƏSF-nin KPMG beynəlxalq auditor şir...