ABŞ-da neft ehtiyatlarının azalması “qara qızıl”ı bahalaşdırıb

ABŞ-da neft ehtiyatlarının azalması dünya birjalarında “qara qızıl”ın qiymətinin artmasına səbəb olub."Finans.az" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 0,08 dollar və ya 0,12% artaraq 68,80 dollar, ICE London qitələrarası birjasında Brent markalı neftin qiyməti 0,24 dollar və ya 0,31% artaraq 77,51 dollar təşkil edib.Qeyd edək ki, Amerika Neft İnstitutunun hesablamalarına görə, ABŞ-da neft ehtiyatları ötən həftə 1,17 mln. barel azalıb. Bu tarixə qədər isə bir həftə ərzində ABŞ-da neft ehtiyatları 38 min barel artaraq 405,7 mln. barelə çatmışdı.“Reuters” agentliyi yazır ki, ABŞ-da “qara qızıl” ehtiyatlarının azalmasına səbəb neft emalı zavodlarının daha aktiv işləməsidir. Analitiklər isə qeyd edir ki, ehtiyatların azalmasına, həmçinin investorların inkişaf etmiş ölkələrin valyuta bazarlarındakı vəziyyətdən ehtiyatlanması da təsir göstərir.BAKU.WS