Xameneinin dəfn mərasimi ilə bağlı tarix açıqlanıb

İranın sabiq Ali Rəhbəri Ayətullah Seyid Əli Xameneinin dəfn mərasiminin iyunun 26-dan sonra keçiriləcəyi bildirilib.

BAKU.WS xəbər verir ki, bu barədə "Tasnim" agentliyi Xameneinin əsərlərinin mühafizə və nəşri ofisinə istinadən məlumat yayıb.

Qeyd olunub ki, dəfn mərasimi ilə bağlı mediada yayılan bəzi iddialar həqiqəti əks etdirmir.

Məlumata əsasən, vida və dəfn mərasimi Məhərrəm ayının ilk ongünlüyündən sonra təşkil olunacaq və detallarla bağlı əlavə məlumat veriləcək.

Sabiq ali rəhbərin vəsiyyətinə uyğun olaraq, onun Məşhəddə İmam Rza türbəsində dəfn olunacağı qeyd edilir.