Vedrədə gizlədilən 1 milyon pul yandı

Türkiyədə dəmir dülgərlik emalatxanasında sobadan çıxan qığılcımların səbəb olduğu yanğında iş yeri sahibinin vedrədə gizlətdiyi 1 milyon TL yanıb.

BAKU.WS xəbər verir ki, bu barədə trt haber məlumat yayıb.

Saat 06.30 radələrində Hamidiye mahalı Orta Anadolu Sənaye Sahəsində Ali Ünə məxsus dəmir kəsmə sexində yanğın baş verib.

Alovu görən vətəndaşlar polis və yanğınsöndürmə briqadası çağırıb. Yanğın yanğınsöndürmə briqadalarının müdaxiləsi ilə söndürülüb.

İlkin araşdırma zamanı məlum olub ki, yanğına dünən yanan sobadan çıxan qığılcımlar səbəb olub.

Qalereya