Vağzalda infarkt keçirən kişi özünə gələndə hamını şoka saldı - Qatara minməliyım, çünki işə gecikirəm

Çində dəmiryol vağzalında qatar gözlən kişi infarkt keçirib.

Lakin o, işə tələsdiyi üçün xəstəxanaya yerləşdirilməkdən imtina edib.

BAKU.WS xəbər verir ki, bu barədə "World of Buzz" məlumat yayıb.

Hadisə sosial şəbəkə istifadəçilərinin marağına səbəb olub. Orta yaşlı kişi qıcolma keçirərək huşunu itirib. Bu, səkkiz günlük Bahar Bayramı tətilinin son günündə, Çində bir çox işçinin tətildən sonra işə qayıtdığı bir vaxtda baş verib.

Stansiya işçiləri və yerli xəstəxananın həkimi ona tez köməklik göstəriblər. Zərərçəkmiş iyirmi dəqiqədən sonra özünə gəlib, lakin o, dərhal işə getməyə tələsdiyini və buna görə də qatara minməli olduğunu bildirib.

Üstəlik, o, həkimə xəstəxanaya yerləşdirilmək üçün heç bir səbəb olmadığını bildirib. Lakin həkimlər onun yıxılaraq xəsarət ala biləcəyini izah edərək xəstəxanaya getməyə israr ediblər. Kişi xeyli isrardan sonra tibb məntəqəsinə getməyə razılaşıb.