Ukraynada metapnevmo virusu epidemiyası başlayıb

Ukraynada metapnevmo virusunun yayılması qeydə alınıb.

BAKU.WS xəbər verir ki, bu barədə Ukrayna İnfeksionistlər Assosiasiyasının prezidenti professor Olqa Qolubovskaya məlumat verib. O, faktiki yoluxma hallarının rəsmi statistikadan daha çox olduğunu vurğulayıb.

Virus tənəffüs yollarını təsir edərək xüsusilə azyaşlı uşaqlar, yaşlılar və immun sistemi zəif olan insanlar üçün təhlükə yaradır. Ukraynalı mütəxəssislər ölkədə respirator xəstəliklərin artımını əvvəlcədən proqnozlaşdırıblar.

Metapnevmo virusundan qorunmaq üçün əl gigiyenasına riayət etmək, əlləri antiseptiklə təmizləmək, məkanları havalandırmaq və virus simptomları olan insanlarla təmasdan çəkinmək tövsiyə olunur.