Ukrayna PUA-sı Stavropolda neft bazasının ərazisinə düşüb

Gecə saatlarında Stavropolun Svetloqrad şəhərində yerləşən neft bazasının ərazisinə pilotsuz uçuş aparatı düşüb.

BAKU.WS xəbər verir ki, bu barədə bölgənin rəhbəri Vladimir Vladimirov öz Telegram kanalında məlumat verib.

"Zərərçəkən yoxdur. Hadisə yerində təcili xidmətlər çalışır", - deyə o bildirib.

Ukrayna tərəfindən edilən kütləvi hücum səhərə qədər davam edib. Atılan pilotsuz aparatların sayı dəqiqləşdirilir, deyə qubernator qeyd edib.

Qeyd edək ki, 1 noyabr gecəsi Rusiyanın Müdafiə Nazirliyi Rusiya bölgələri üzərində hava hücumundan müdafiə qüvvələrinin Ukrayna Silahlı Qüvvələrinə məxsus 88 pilotsuz təyyarəni vurduğunu açıqlayıb. Onlardan beşi Oryol vilayətində vurulub. Qubernator əlavə edib ki, xəsarət alan və dağıntı yoxdur.