Ukrayna Kurskda 77 Şimali Koreya hərbçisini öldürüb

Ukrayna Silahlı Qüvvələrinin məlumatına görə, son üç gündə Rusiyanın Kursk bölgəsində 77 Şimali Koreya hərbçisi məhv edilib.

BAKU.WS xəbər verir ki, Ukrayna Xüsusi Əməliyyat Qüvvələri bu müddət ərzində 40-dan çox hərbçini yaralayıb, 12 texnika və 3 fərdi daşıyıcı vasitəni sıradan çıxarıb.

Ukrayna Müdafiə Nazirliyinin məlumatına görə, Rusiyanın "Alabuga" iqtisadi bölgəsindəki Şahed PUA-ları üçün ehtiyat hissələrinin saxlanıldığı depo məhv edilib. Depoda 65 PUA gövdəsi, mühərriklər, naviqasiya sistemləri və 400 Şahed-136 dronunun istehsalı üçün termal görüntü kameraları olduğu bildirilib. Hadisə nəticəsində təxminən 16 milyon dollar dəyərində zərər vurulub.

Ukrayna Müdafiə Nazirliyi bu hadisəni Rusiyanın hərbi sənaye kompleksinə vurulan ciddi zərbə kimi dəyərləndirib.