Ukrayna Kanadadan 14,4 milyon dollar yardım alacaq

Ukrayna enerji sektorunun yenidən qurulması üçün Ottavadan 20 milyon Kanada dolları (14,4 milyon dollar) məbləğində maliyyə yardımı alacaq.

BAKU.WS xəbər verir ki, bu barədə "TASS" agentliyi məlumat yayıb.

"Kanadanın davamlı dəstəyini və bu yaxınlarda Ukrayna Enerji Dəstək Fonduna 20 milyon Kanada dolları məbləğində ianə etdiyini yüksək qiymətləndiririk" - deyə Ukraynanın Baş naziri Yuliya Sviridenko sosial şəbəkədə qeyd edib.

Məlumat üçün bildirək ki, Ukrayna 2025-ci ilin sonlarından bəri şiddətli hava şəraiti və enerji infrastrukturuna ciddi ziyan vurması səbəbindən elektrik təchizatında problemlər yaşayır.

Ölkənin enerji sektorunda fövqəladə vəziyyət elan edilib. Bir çox bölgələrdə hələ də bir neçə saat davam edən gündəlik elektrik kəsintiləri davam edir.