Türkiyədə sursat anbarında partlayış: ölənlər var

Türkiyənin Kırıkkale bölgəsində yerləşən sursat anbarı və məhvetmə sahəsində partlayış baş verib.

BAKU.WS xəbər verir ki, hadisə raket sursatının partlaması nəticəsində qeydə alınıb. Partlayış zamanı 2 nəfər həyatını itirib, daha 2 nəfər isə müxtəlif dərəcəli xəsarətlər alıb.

Hadisə yerinə polis əməkdaşları, yanğınsöndürənlər və təcili tibbi yardım briqadaları göndərilib.

Faktla bağlı araşdırma aparılır.