Türkiyədə fabrikdə partlayış: İki nəfər həyatını itirib

Türkiyənin Tekirdağ vilayətinin Ergene rayonunda yerləşən narkoz qazı istehsalı zavodunda güclü partlayış baş verib.

BAKU.WS xəbər verir ki, partlayış nəticəsində fabrikdə çalışan iki nəfər ölüb. Hadisə yerinə xilasedicilər və təcili yardım briqadaları cəlb olunub.

Partlayışın səbəbi hələlik müəyyən edilməyib. Hüquq-mühafizə orqanları və texniki mütəxəssislər hadisə ilə bağlı araşdırmalara başlayıblar.

Hadisə yerində təhlükəsizlik tədbirləri gücləndirilib, ətraf ərazilərdə nəzarət artırılıb.