Türkiyədə dönərdən zəhərlənənlərin sayı 648 nəfərə çatdı

Türkiyədə Kocaeli vilayətində toyuq dönərindən zəhərlənən 648 nəfər həkimə müraciət edib.

BAKU.WS xəbər verir ki, regional hakimiyyət orqanları bu barədə cümə günü, aprelin 4-də məlumat yayıb.

"Vilayətdə ümumilikdə 648 nəfər zəhərlənmə şikayəti ilə xəstəxanalara müraciət edib. Onlardan 646-sı evə buraxılıb, ikisinin müalicəsi davam edir, həyat üçün təhlükə yoxdur", - deyə məlumatda qeyd olunub.

Hüquq-mühafizə orqanları iki nəfəri saxlayıb. Dənər satan müəssisəni də bağladılar.