Trampın prezident postuna qayıdışı - Harrisin ağır məğlubiyyəti

ABŞ-də keçirilən prezident seçkilərində Donald Trampın qalib gəlməsi ölkədə böyük rezonans doğurdu.

BAKU.WS xəbər verir ki, Respublikaçılar Partiyasının namizədi, keçmiş prezident Donald Tramp 277 seçici səsi toplayaraq qələbəsini elan edib.

Bu nəticə onun ABŞ-nin 47-ci prezidenti olmasını təmin edir və o, qələbəsini Floridadakı iqamətgahında tərəfdarları qarşısında "ABŞ tarixində misli görünməmiş" bir hadisə kimi dəyərləndirib.

Trampın qələbəsi onun tərəfdarlarında böyük coşqu yaradıb. Manhettendən Vaşinqton və Floridaya qədər Trampı dəstəkləyən izdiham, hətta superqəhrəman kostyumları geyinərək öz liderlərinə dəstək göstərib.

Bəzi məkanlarda isə Kamala Harris tərəfdarlarının təntənə gözlədikləri məkanda boş qalan oturacaqlar, məğlubiyyətin aydın təsviri olub. Harris tərəfdarları bir araya gəlsələr də, seçki nəticələri elan edildikcə onların ümidləri azalıb və səssizcə gözləntilərini təəssüf hissinə dəyişiblər.

Qalereya