Trampa görə hava limanında dava

Böyük Britaniyada hava limanında iki qadın Amerikada prezidentliyə namizəd Donald Trampın seçki kampaniyasına aid papağa görə mübahisə edib.

BAKU.WS xəbər verir ki, bu barədə "The Sun" nəşri yazıb.

Hadisə "Heathrow" hava limanında, Texasa uçuşdan əvvəl baş verib.

Qadınlar arasında mübahisə bir sərnişinin digərindən "Amerika"yı yenidən böyük edək" yazısı olan papağını çıxarmasını istəməsindən sonra başlayıb.

Birləşmiş Ştatların keçmiş prezidentinin tərəfdarı baş geyimini çıxarmaqdan imtina edib və aralarında mübahisə başlayıb. Digər sərnişinlər hadisə yerinə polis çağırıblar.

Hava limanının mətbuat xidmətindən bildirilib ki, bu hadisə "fövqəladə" haldır, çünki əvvəllər heç belə hal yaşanmayıb.