Tramp Yaxın Şərqdə müharibə bitdikdən sonra neft qiymətlərinin kəskin düşəcəyini gözləyir

ABŞ Prezidenti Donald Tramp bildirib ki, İranla müharibə yaxın vaxtlarda başa çata bilər və bundan sonra neftin qiymətləri kəskin şəkildə aşağı düşəcək.

BAKU.WS "Report"a istinadən xəbər verir ki, bu barədə PBS-in Ağ Evdəki müxbiri Liz Landers ABŞ lideri ilə qısa telefon müsahibəsindən sonra bildirib.

Jurnalistin sözlərinə görə, Tramp müharibə başa çatdıqdan sonra neft qiymətlərinin "daş kimi düşəcəyinə" əminliyini ifadə edib.

"Bunun uzun çəkəcəyini düşünmürəm", - Prezident münaqişənin başa çatmasının mümkün müddəti ilə bağlı sualı cavablandırıb.