Tramp və Putin danışdı

ABŞ Prezidenti Donald Tramp Rusiya lideri Vladimir Putinlə telefon danışığı aparıb.

BAKU.WS xəbər verir ki, bu barədə ABŞ-nin "New York Post" tabloidi Ağ Ev rəhbərinin özünə istinadən məlumat yayıb.

Məlumata görə, Tramp və Putin Ukraynada davam edən müharibənin dayandırılması məsələsini müzakirə ediblər.

"Mən susmağı üstün tuturam", – nəşr Trampın sözlərindən sitat gətirib.

ABŞ Prezidenti bir daha Rusiyanın Ukraynaya qarşı müharibəsinə son qoymaq üçün konkret planı olduğunu vurğulasa da, detalları açıqlamayıb.