Tramp, Putin və Si Cinpin sentyabrda Çində görüşə bilərlər

ABŞ, Rusiya və Çin liderləri - Donald Tramp, Vladimir Putin və Si Cinpin sentyabrın əvvəlində Pekində birgə görüş keçirə bilərlər.

BAKU.WS Oxu.Az-a istinadən xəbər verir ki, bu barədə "The Times" qəzeti yazıb.

Nəşrin məlumatına görə, görüş İkinci Dünya Müharibəsinin başa çatmasının 80 illiyinin qeyd olunması ilə üst-üstə düşə bilər.

Sentyabrın 3-də Çin və Rusiya liderlərinin iştirak edəcəyi təntənəli hərbi paradın keçirilməsi planlaşdırılır.

Vladimir Putin artıq iştirakını təsdiqləyib. Pekin Donald Trampı da bu tədbirlərə dəvət etməyi düşünür.