Tramp Avstraliyanı İranın qadın futbol komandasına sığınacaq verməyə çağırdı

ABŞ prezidenti Donald Tramp Avstraliyanı İranın qadın futbol komandasına sığınacaq verməyə çağırıb.

BAKU.WS "The Times of Israel"ə istinadən xəbər verir ki, İran yığması Asiya Kubokunun qrup mərhələsində Filippin yığmasına 0:2 hesabı ilə uduzaraq turniri tərk edib.

Bundan əvvəl İran dövlət televiziyasının aparıcısı Məhəmməd Rza Şahbazi himni oxumayan futbolçuları sərt tənqid etmiş və müharibə dövründə "xəyanətkarlarla daha sərt davranmaq lazım olduğunu" bildirmişdi.

Bundan sonra Beynəlxalq Peşəkar Futbolçular Federasiyası (FIFPro) FIFA və Asiya Futbol Konfederasiyasından (AFC) futbolçuların təhlükəsizliyini təmin etməyi xahiş edib.

"Avstraliya İran Milli Qadın Futbol Komandasının İrana geri qayıtmasına icazə verməklə dəhşətli bir humanitar səhvə yol verir və orada çox güman ki, onları öldürüləcəklər" - deyə Tramp özünün "Truth" sosial şəbəkəsindəki paylaşımında qeyd edib.

Tramp eyni zamanda, Avstraliya Baş naziri Entoni Albaneseyə müraciət edərək onu bu addımı atmamağa çağırıb:

"Bunu etmə, cənab Baş nazir, sığınacaq ver. Əgər siz sığınacaq verməsəniz, ABŞ onları qəbul edəcək".