TikTok-un ulduzu Xabi Leym Las-Veqasda SAXLANILDI

Dünyanın ən populyar "TikTok" fenomenlərindən biri olan Xabi Leym ABŞ-də miqrasiya qaydalarını pozduğu üçün qısa müddətə saxlanılıb.

BAKU.WS "France Presse" agentliyinə istinadən xəbər verir ki, hadisə Las-Veqas beynəlxalq hava limanında qeydə alınıb.

ABŞ Miqrasiya Xidmətinin əməkdaşları Leymin vizasının müddətinin bitdiyini aşkar etdikdən sonra onu saxlayıblar. Lakin həmin gün onun azadlığa buraxıldığı və daha sonra könüllü şəkildə ölkəni tərk etdiyi bildirilir.

Qeyd edək ki, 162 milyondan çox izləyicisi ilə TikTok-un ən çox abunəçiyə sahib simalarından olan Xabi Leym eyni zamanda UNICEF-in xoşməramlı səfiridir.