Tesla yanaraq kül oldu

Almaniyanın şimalında yerləşən Ottersberq icmasında "Tesla" avtomobilləri yanaraq məhv olub.

BAKU.WS-in "Spiegel"ə istinadən verdiyi məlumata görə, hadisə martın 29-da, yerli vaxtla saat 03:30 radələrində baş verib. Avtosalonun ərazisində dayanan yeddi "Tesla" markalı elektromobil naməlum səbəbdən alovlanıb və tamamilə yanıb.

Yanğın avtomobillərlə yanaşı, avtosalon binasına da ziyan vurub. İsti səbəbindən salonun darvazaları əriyib. İlkin hesablamalara görə, dəyən zərərin məbləği yüz minlərlə avro təşkil edir.

Yanğının dəqiq səbəbləri hələlik bilinmir. Hadisə ilə bağlı hüquq-mühafizə orqanları araşdırmalara başlayıb.