Təl-Əvivdə hava hücumu xəbərdarlığı ilə bağlı sirenlər səsləndirilib

Hazırda İsrailin paytaxtı Təl-Əvivdə hava hücumu sirenləri və partlayış səsləri eşidilir.

BAKU.WS "Qazeta.ru"ya istinadən xəbər verir ki, İranın raket zərbələrindən sonra Təl-Əvivdə hava hücumu xəbərdarlığı ilə bağlı sirenlər səsləndirilib. Şəhərin hava məkanında partlayış səsləri də eşidilir.

Raket düşməsi və ya itki barədə isə heç bir məlumat verilməyib.

Qeyd olunur ki, hava hücumu xəbərdarlığı ilə bağlı sirenlər əsasən İsrailin mərkəzi hissəsində işə düşüb.

Xatırladaq ki, fevralın 28-də İsrail İrana qarşı "qabaqlayıcı" hücumlar elan edib.

Ağ Ev İrana qarşı genişmiqyaslı hərbi əməliyyatın başladığını elan edərək , bunun "yaxınlaşan təhlükəni aradan qaldırmaqla Amerika xalqını qorumağa" yönəldiyini vurğulayıb.