Tehranda etirazçılar polis avtomobillərini yararsız hala salırlar - ANBAAN GÖRÜNTÜ

İranın paytaxtı Tehranda davam edən etiraz aksiyaları zamanı nümayişçilər hüquq-mühafizə orqanlarına məxsus avtomobillərə ziyan vurublar.

BAKU.WS İran KİV-nə istinadən xəbər verir ki, şəhərin müxtəlif rayonlarında bir neçə polis maşını yandırılıb və ya tamamilə yararsız hala salınıb.

Bildirilir ki, hadisələr əsasən axşam saatlarında baş verir. Etirazçılar küçələrdə barrikadalar qurur, polis nəqliyyat vasitələrini daş və digər əşyalarla hədəfə alırlar. Bəzi hallarda avtomobillərin aşırıldığı və alışdırıldığı qeyd olunur.

Qeyd edək ki, İranda etirazlar son günlər sosial-iqtisadi vəziyyətin pisləşməsi, milli valyutanın dəyərdən düşməsi və hökumət siyasətinə etiraz fonunda daha da güclənib. Kütləvi iğtişaş və silahlı qarşıdurmalarla müşahidə olunan etirazlar təkcə Tehranda deyil, ölkənin bir neçə şəhərində də müşahidə olunur.